فادى رضا فى حوار مع مجله مارفيليا
حوار صحفي مع الكاتب فادي رضا"للأسف مكنش في داعم واحد حقيقي"
السلام عليكم ورحمه الله وبركاته معاك الصحفيه "إيمان إبراهيم" من جريده كيلارينت
حابه أعمل مع حضرتك حوار صحفي ممكن؟ طبعًا أتفضلي.
1/ عرفني على نفسك
فادي رضا
2/ بدايتك في المجال كانت امتي
تقريبًا من ابتدائي مع بداية كتابتي في مواضيع التعبير لكن فعليًا بدأت بجد من 4 سنين
3/ مين الدعم ليك
للأسف مكانش فيه داعم واحد حقيقي غير بعد ظهور أول عمل ليا
4/ مين قدوتك في المجال
الكاتب العظيم سارتر، وإرنست همنغواي وبولو كيلو
5/ أكتشفت موهبتك أزاي
عن طريق حُبي للغة العربية الفُصحى واللي أجبرتني أقرأ لحد ما بقي نفسي أتحول لكاتب
6/ هل قابلت نقد في بدايه المشوار
زي ما ذكرت في البداية إن مكانش فيه داعم أصلاً وبالتالي كان فيه انتقادات كتير وأشهرهم "هتستفاد ايه في الاخر"
7/ اتعاملت مع النقد ازاي
مش لازم أتعامل مع النقد لأن الشخص اللي بيمتلك رسالة وفكرة قوية بيسعى دايمًا لأيصالها مهما كانت ضريبة النجاح وضريبة النجاح بالنسبالي كانت هي النقد
8/ اي هى انجازاتك
ظهوري على مسرح ساقية الصاوي مرتين على التوالي في مناقشة روايتي الأولى والثانية (هروب مستمر، بقاء مستمر) والعمل اللى أرهقني بجد وهو رواية هجوم البيدق وانتهائي من الرواية الرابعة اللي هتنزل المعرض القادم والكتاب الفلسفي اللي بشتغل عليه حاليا بعنوان "كيف تُصبح بشريًا"
9/ كلمه توجها للكتاب المبتدئين
لو أنتَ بتكتب لأي هدف سواء كان الربح أو الشهرة يبقا بلاش تكتب أفضل، ولو شايف أن الكتابة مجرد تأليف يبقا بلاش تكتب لأن الكتابة هي أرقى أنواع الفنون ففضلاً بلاش تبوظها وسيب مساحة لغيرك، إنما لو بجد حابب الكتابة بكل أعماق قلبك يبقا لازم تعرف ان الموضوع ممكن ياخد منك سنين علشان تكون كاتب مبتدئ، الطريق صعب مش سهل والكتابة صعبة لكن طول ما حضرتك حابب الشيء ده يبقا لازم تكون عارف إن الكون بأكمله هيساعدك، زي ما قال بولو كيلو في رواية الخميائي
إرسال تعليق