`الكون واسع ومليء بالمجرات والنجوم، ولكن مع كل تلك الأضواء تسطع نجمة تخطف الأنظار، فمع غروب كل شمس بالنهاية يبدأ قمر بالحكاية، ومع كل نقطة يبدأ سطر جديد وفصل جديد في القصة، اليوم تسطع شمس موهبة رائعة، ألا و هي (الكاتبة: مريم أحمد هاشم)، أهلا بك في مجلة مارفيليا ودعنا ندخل في الحوار مباشرتًا.`*
*1•عرفنا بنفسك؟ اسمك، السن، ومجال الدراسة، ومحافظتك.*
ــ مريم احمد هاشم كاتبة وشاعرة ع قدي ورسامة في بعض الأوقات
ــ سني ٢٠
ـــ مجال دراستي أداب قسم التاريخ
ــ محافظة الفيوم
*2•كيف اكتشفت موهبتك؟*
كنت بقعد أتكلم مع نفسي كدا ف إعدادي والصراحة مش أنا اللي اكتشفتها كان عمي الله يرحمه شاف الكشكول اللي كنت بكتب فيه مذكراتي وكتاباتي وهو اللي قالي
*3•كيف كانت بداية رحلتك في مجالك؟*
مكانش في مجال للنشر وقتها لأني متوسعتش في نطاق السوشيال ميديا غير من قريب للأسف فكان صعب جدًا إن حد يعرف إن أنا بكتب
*4•ما هي أبرز العقبات التي واجهتها؟*
الحقيقة كونك في محافظة محدوده بيعيق عليك إنك تتحرك أو تروح أماكن تطور من نفسك فيها أو حتى تحضر ندوات شعرية فكان كل اعتمادي على اليوتيوب
*5•كيف واجهة تلك العقبات؟*
بدأت أتفرج على فيديوهات كتير وحسنت اللغة العربية شويه وقرأت كتب كتير أووي عشان اكتسب خبرات أكتر وأتعلم وأطور من نفسي
*6•ما الذي استفدته من تلك العقبات؟*
استفادت كتير أووي أهمهم إني مفضلش في مكاني وكمان قدرت أخد معلومات من أكتر من مجال بحكم إني بدور واتعرفت ع ناس كتير قدرت تساعدني إني أكتب أكتر وموقفش
*7•من هو داعمك الأكبر؟*
بابا وماما حقيقي أكتر ناس وقفوا جمبي
*8•من هو قدوتك في الحياة وأيضًا في موهبتك تحديدًا؟*
بابا وعمي الله يرحمه لأنه كان بيكتب برضو وعمرو حسن
*9•رسالة توجهها، لأي موهبة مثلك وتريد البدء؟*
بلاش توقف حاول تطلع كل اللي جواك في الكتابة في الأول هتواجهوا مشاكل لأن في ناس كتير بتكتب دلوقتي ولكن مش كله متصدر فهتلاقي نفسك جوه زحمه ولازم تبقى مميز فاوعى تيأس ابهر الكل بإنجاز عشان يعرفوا قيمة الوقت اللي وقفت فيه ع رجلك من نقطة الصفر
*10•أترك رسالة لكل من يتابعنا ويقرأ هذا الحوار؟*
حقيقي استمتعت جدًا أتمنى تدعولي دعوة حلوة بس من قلبكم إن ربنا يكرمني في مجالي ودراستي وأقدر أكون أفضل
*11•ما هي خطتك المستقبلية؟*
كذا حاجة الصراحة بس خليها مفاجأة أحسن قريب جدًا
*13•ما هي المقولة التي تتذكرها دائمًا؟*
ليس الفشل هو السقوط بل الفشل هو البقاء حيث سقطت
*14•أترك رسالة لي شخصيًا وإلى مجلتنا؟*
حضرتك شخص محترم والمجلة رائعة على طول في تقدم واستمرار وده اللي بيميزكم عن غيركم فعلًا شكرًا جدًا
*15•رأيك في الحوار وتقييمك له؟*
شكرًا جدًا لحضراتكم على الحوار الصحفي القيم استمتعت جدًا بالحديث مع حضراتكم
> *كنت معكم `عـلاء_الخـولـي`، على أمل اللقاء من جديد وحوار جديد وحديث أخر، مع أحد النجوم الساطعة في مجالها، والسلام عليكم ورحمة من الله وبركاته.*
#مجلة_مارڤيليا | #Marvelia_Magazine | #معاك_طول_الطريق
إرسال تعليق