"عمرك سمعت عن مرض نفسي إسمه الكتاتونيا؟"
كتبت // ميرنا صقر
-الأمراض النفسية ليها أشكال وأنواع كتيرة، لدرجة إن أساميها بتتغير كل شوية في عالم الطب النفسي، ولكن بتكون بعض الأمراض في الحقيقة هي الرجوع للخلف ، تفتكر إيه أصعب حاجة ممكن الواحد يعملها لما يتعرض لحدث نفسي صعب ويكون فوق قدراته النفسية وميقدرش يستحمله سواء كان خبر وحش أو ظروف صعبة أو أذي بدني أو معنوي شديد جدًا أو تربية صعبة وقاسية.
(regression/النكوص)
- كتاتونيا Catatonia
فالطب النفسي هي كلمة من أصل لاتيني معناها جثة بني آدم قرّر يتحول لجثة علشان ده الوضع الوحيد اللي بيحس فيه بالأمان، وضع الخروج من الحياة بكل سخافتها وضراوتها ومخاوفها، هو مش بس بيغيب بوعيه زي حالات الهيستيريا والانشقاق لا ده كمان بيغيب عن العالم بجسمه وبمشاعره وبأحاسيسه.
-بمعنى إنه لو في صدمة نفسية مر بيها شخص، بيقرر عقله أحيانًا إنه يرجع لآخر مرحلة عمرية كان حاسس فيها بالأمان وهي عادةً بتكون مرحلة الطفولة أو حياة الجنين، تصوَّر لو المريض كل ما يرجع بعقله كام سنة فيلاقي المرحلة العمرية اللي رجعلها مرتبطة بصدمة نفسية تانية وتالتة وهكذا.🧠
-ساعتها هيضطر يعمل حاجة صعبة جدًا وهي أصعب من الاكتئاب والاضطراب وهي إنه يرجع للرحم (حياة الجنين)، وممكن يرجع أكتر لورا ، قرار في منتهى القسوة هينفصل عن العالم مش هينتحر، بس هيختار الأصعب وهي إنه يعيش ميت ، هيعيش في أكتر فتره كان حاسس فيها بالأمان والحب لأن حياته كلها مشاكل فمقدرش يستحمل ، وده بالفعل اللي حصل لسارة، سارة وقتها كان بين والدتها ووالدها مشاكل كتير جدًا وهي طفله فمقدرتش تتخطي المشاكل والخناق في قررت ترجع للأكثر فترة كانت فيها مطمنة ومش خايفة وحاسة بالأمان وهي حياة الجنين.
-سارة وقتها فضلت مدة كبيرة في غيبوبة لغاية ما دكتور حسن بدء يعالجها وحسسها بالأمان رجعها للحياة اللي هي عايزاها حياة آمنة بعيد عن الخناق والمشاكل اللي شافته مع أهلها طول فتره الطفولة ، ولما أطمنت للحياة عن طريق دكتور حسن بدأت تتحرك وتمشي وتتكلم زي الآطفال وتمر بالكل المراحل العمرية المختلفه كل ده يخلينا نقف عند حاجة مُهمه جدًا ، إن الجنين في رحم أمه بيوصله رسايل ومشاعر ، كتير من العالم الخارجي بيوصله الخوف والقلق والحب والحنان بيوصله إذا كانت حبه وجوده ولا رفضاه بيوصل للطفل عن طريق المشيمه سواء حب أو كره.
-علشان كده مُهم ننصحكم بشدهُ إظهار الحب والإهتمام للأولادكم مُهم تكونوا جنبهم خطوات بسيطه جدًا نعملها هتفرق فرق كبير معاهم ، علشان وقت التعب منقولش ياريتنا كنا بنهتم بيهم.
-الكتاتونيا أصعب مرحلة من المراحل اللي ممكن يوصل ليها أي مريض نفسي وعلاجها أصعب منها وفهمها والوصول لمعانيها المختلفة.
-الكتاتونيا هي :-انعدام الحياة النفسية بحثًا عن لحظة أمان واحدة فيها.
- الكتاتونيا هي :- قرار بوقف الوجود من شدة الألم والخوف لو ليكم أصحاب، قربوا منهم وحبوهم واستقبلوا حبهم ، احفروا ذكرياتكم الحلوة معاهم
وأنتم بتربوا أبنائكم خلوا فيه بينكم وبينهم لحظات حلوة كثيرة مواقف طيبة فيها قبول وفرحة ورحمة
-علشان في وقتٍ من الأوقات لحظة أمان واحدة،ممكن تكون هي حائط الصد ضد صدمةٍ نفسيةٍ مفاجئةٍ.
المدير العام // فريدة نصر فرج
إرسال تعليق