الكاتبة آية محمد رجب في حوار صحفي مع جريدة مارڤيليا الأدبية لدعم المواهب الشبابية.
كتبت المحررة // فداء عمرو
كما عودناكم عزيزي القارئ في "جريدة مارڤيليا" بشخصيات أبدعت في مجالها واليوم شخصيتنا ارتبط اسمها بالنجاح والإنجازات وسوف نقوم بالتعرف عليها بين هذه السطور...
اسمك/ آية محمد رجب.
سنك/ عشرون ربيعا
محافظتك/ القاهرة
موهبتك/ الكتابة والتصوير
وهنا سوف نقوم بالبدأ في حوارنا.
نتمنى لكم قراءة مثمرة. ♡
س١/كيف كانت بدايتك في هذا المجال؟
ج/ كانت في ليلة الامتحان كنت مخلصة المذاكرة وأنا كنت بحب الكتابة بس مكنش عندي لسه الاستعداد ليها ،فكتبت خاطرة صغيرة خالص وبعتها لصحابي ودي كانت اول حاجة اكتبها .
س2/ هل تقبل الإنتقاد أم لا؟
ج/ اكيد طبعًا علشان ممكن القارئ يكون شايف حاجة مش مظبوطة انا مش واخدة بالي منها، لكن الانتقاد يكون ايجابي وليس سلبي.
س3/ ماهي انجازاتك؟
ج/ الحقيقي لسه موصلتش ال انا عايزة؛ لإني لسه جديدة في المجال من سنتين.
لكن اول انجاز لي اني عملت صفحة على الفيس بوك وكملت 5k اقل من السنة،عدد قليل لكن إنجاز بسيط.
س4/من أكبر داعم ليكي؟
ج/ ماما واصحابي وزملائي ال على سوشيال.
س5/هل واجهتك صعوبات في المجال وكيف تخطيتها؟
ج/ واجهتني صعوبة إني قعدت فترة اوهم نفسي اني مش كاتبة و ده آثر عليا في تأخير لكتابتي في الراوية…
تخطيت الصعوبة إني بحاول اتخطى ذلك الإحساس وكنت بكتب اي حاجة بسيطة خالص حتى لو كان فيها روتين علشان ميحصلش بلوك كتابة على طول،واحدة بواحدة كنت برجع تاني زي الاول وبشارك فيها لصحابي وبنزلها على فيس.
س6/ماهي خططك المستقبلة؟
ج/ إن بإذن الله اول رواية ليا تكمل وأعرف انزلها،وان يكون فيها رسالة أقدر أفيد القارىء.
س7/ نصيحة تود تقديمها لكل المقدمين على الإتجاه نحو تنمية هذه الموهبة.
ج/ إن اول حاجة أستعن بالله ولا تيأس،الطريق لسه طويل ومش من أول مرة ممكن تبقى ناجح ممكن يحصلك صعوبات في النص علشان توصل في الوقت المناسب،ثانيًا يبقى عندك ثقة في نفسك ومترجعش تبص لورا، ترجع في حالة واحدة إنك تتعلم من اخطائك بس، وأبتعد عن كل ال بيحطمك ومتلاقيش منهم اي حافز.
وأخيرًا ف رب الخير لا يأتي إلا بالخير..
وفي الختام نرجو أن نكون قد أسعدنا حضراتكم ونتمني لكم جزيل الشكر والإحترام.
المؤسسه/فريده نصر فرج
إرسال تعليق