الكاتبه // سميـــحه والـــي في حوار صحفي مع جريدة " مارڤيليا" الأدبية
المقدمة.
ليس ڪل من ڪتب حرفًا وڪلمه قال علي نفسه ڪاتب..
ولڪن موهبتنا تستحق لقب الڪاتبه وبجداره..
تلڪ الموهبه التي سوف نتحدث عنها تملڪ الڪثير من المواهب المختلفه دعنا نتعرف عليها معًا
نبذة عن الكاتبه ..
انا من الفيوم فقحافه عندي 17سنه طالبه فمدرسه التمريض بعد الإعدادية.مفيش علاقه بين التمريض والكتابة أو الشعر وده كلام الناس إللي حواليا بس فعلا التمريض بيخلي الإحساس شغال سواء خوف أو حب الناس وطمأنينة لما تنقذ حياة إنسان
2/هواياته واهتماماته
عالعموم بحب أقرأ وأسمع سواء برامج تليفزيون أو قصائد
3/أفكاره وأمنياته الشخصية
حابه أعمل كتاب ورقي والكتروني لوحدي
4/رحلته مع (موهبتك)
انا شفت حاجات كتير تخلي غيري يحبط وميكملش منها الغيرة والنفاق وعدم حب الخير للغير ولكن في ناس كتير كانوا واقفين فضهري يكفي ان في ناس تسألني كتبت إيه جديد وسمعينا يا سميحة يلا.ويكفي برده ان واحدة من صحابي قالتلي انا اتغيرت بسبب قصايدك
5/لقبك، من اطلق عليك اللقب، لما سميته بهذا اللقب
انا اسمي سميـــحه والــــي اسمي مميز وكمان إسم والدي فأنا مش حابة يكون ليا لقب
6/اهم كتاباتك (عناوين منشوراتهم + اسمائهم)
انا كتبت حاليا 76قصيدة وبدأت روايه كتبت البارت 1ومكون عشرين فصل ولسه هكتب بارت 2.
ودول أقرب القصائد لقلبي
لما جيت افتكر الأيام إللي عدت.
وازاي بحلوها ومرها عدت ومرت.
أيام الطفولة إللي فقلوبنا بصمت .
وعلمت فينا وفعقولنا غرست .
مع بعض دايما وفأي مكان.
تلاقي رجلينا داست.
تلاقي شفايفنا ضحكت.
وعينينا بنورها نورت.
وكل ما تلاقي السنين عدت .
تلاقي قلوبنا المنورة ضلمت .
كنا بنقول أيام الطفولة طولت.
بس فعلا من غير استئذان مرت.
من غير وداع كمان هربت ومشيت.
اتعلمنا كتير وفي ناس من حياتنا مشيت.
ناس على الفراق عمرها ما ندمت .
ناس نارها هديت
دي عمرها ما كانت قصيدة واتكتبت.
بالعكس ده سطورها فقلبي اترسمت.
الطفولة هيا البداية.
ونهايتها بداية حكاية.
عرفتنا على ناس وعدت
قعدوا معانا العمر وفالاخر غدرت .
ناس كملت بيها السنين وفالنهايه بعدت.
ناس على وجودنا اتلككت .
ناس فالحق عمرها ما اتكلمت .
اتعلمنا الحب من ناس ع قلوبنا ربطت.
وناس تانية نافقو وقلوبنا خدعت .
ناس كدبت علينا وبينا غدرت.
بس الطفولة قوت نفوسنا .
وبعد ما كل ريح هبت .
اتعلمنا إن مش كل الناس صدقت .
بس في ناس بوعودها وفت.
ومع كل مشكلة عدت.
الناس دي معانا وقفت.
وعمرها عنا اتخلت.
ناس فقلوبنا قعدت.
وشكرا جدا للناس إللي بعدت .
وأهلا جدا بالناس إللي هلت.
الطفولة عدت .
بس قلوبنا شهدت.
انها للطفولة حنت .
صحيح من ناس قلوبنا اتوجعت.
بس عقولنا اتعلمت .
الطفولة عدت .
ولكن ...
فقلوبنا بصمت.
غرست.
الطفولة لو عدت عمرها م هتبقى بالساهل مرت
مع بعض نلعب.
وشويه نضحك.
وقلوبنا إللي بعضها حبت.
ياااه لو الأيام فضلت.
السنين مرت .
العين دمعت .
وحبت تبعت سلام .
لناس عمرهم ما مشيو مع الأيام
بقلم / سميـــحه والـــي
عن الطفـولة
لما يكون فحياتك حبيب
بيكون فقلبك قريب
بس بالمسافات بين قلبين
بيكون بعيد
يمكن ميكونش هوا النصيب
وييجي دايما فالقلب
تأنيب
انا ليه أصلا من الاول حبيت
مبقاش موجود كالعادة
قلبي اتجرح وبزياده
مبقاش في سعادة
أصبحت الدنيا
قهوه ساده
واليوم طويل
يمكن 5000 ساعة
قلبي بقى اوضه قديمه متباعه
ضرب عقلبي ومرحمش
مشي ومفكرش
وللأسف مندمش
ومرجعش
كنت بقول هستنى
عشان معاه اتهنى
كنت بتمنى
بس أنا مش هستنى
آه حبيته
واتمنيت أكون معاه
وفبيته
مشي مبصش وراه
خد روحي معاه
مستناش حتى
أكون وياه
قتلني بسكينه تلمه
وقال إن الحب ده كدبه
وإن أهل الحب ناس بارده
على قد حبي ليه وإني محبتش قبله
فأنا كرهته ومش هرجع تاني أحبه
بس لسه بحبه
ولا قادرة أسيبه
كان فقلبي حبيب
وملناش مع بعض نصيب
.....
الشاعره /سميـــحه والــــي
قهوه ساده
فخورة بالتمريض
رغم التعب والدموع إللي بشوفها في عيون كل مريض
فخورة بالتمريض
رغم عشرين مادة بذاكرهم عشان أنقذ حياته
فخورة بالتمريض
رغم ضغط المواعيد
فخورة بالتمريض
رغم سنين أذاكرها عشان أحسن الخدمة إللي أديهاله
فخورة بالتمريض
لما أشوف مريض هاف أرريست وأنا أنقذ حياته
فخورة بالتمريض
مع دمعه كل بنت بعد ما أبوها رد تاني
فخورة بالتمريض
بعد ماكان جاي ١٠٠مصاب من حادثة قطر وعاشوا تاني
فخورة بالتمريض
رغم ساعات كتير متواصلة مبشفش أهلي بس يهون قدام شغل هتحاسب عليه
فخورة بالتمريض
لما أقدم خدمه صح لكل مواطن
فخورة بالتمريض
لما بيبي صغنن يتولد وأحافظ عليه
فخورة بالتمريض
رغم كل الكلام اللي ملوش معنى
فخورة بالتمريض
رغم إن نص المصريين مش فخورين بيه
فخوره بمصر بلدي رغم إن التمريض فيها ملهوش حبيب
الشاعرة/سميـــحه والــــي
فخورة بالتمريض
7/اهم الحفلات
للاسف انا مش بحضر حفلات
8/التكريمات والجوايز اسمائها و لينكاتها فضلاً : http://tayaarkhalfaa.blogspot.com/2023/04/blog-post_538.html
إرسال تعليق