- الزعل والضغط النفسي بيأثروا جدًا علي الإنسان يمكن البعض بيقول لا يمكن ضغط نفسي يأثر أو يموت الإنسان ولكن فالحقيقة الضغط النفسي بيأثر جدًا علي الإنسان في كتير من الأحيان ممكن يموت فعلاً ، ده هيخلينا النهارده نتكلم عن مرض مُهم جدًا و مُنتشر اسمه "Takotsybo
- كتبت ميرنا صقر
- المرض ده هو تضخم مفاجئ في عضلة القلب وللأسف الشديد الموضوع مش بينتهي هنا لو الزعل أستمر بتستمر عضلة القلب في التضخم ، المرض علشان يكتشفوه اتعملت دراسه علي عدد من الأشخاص بأشعة الإيكو ، وده اللي اتعمل مؤخرا مع اللاعب الراحل "أحمد رفعت " اللي قال في لقاء إنه أتعرض لضغوط نفسية كبيرة جدًا أثرت عليه وكانت السبب في توقف القلب اللي أتعرض ليها في احد المبارايات ..
متلازمة القلب المنكسر
- حالة مرضية للقلب بتكون غالبًا بسبب التعرض لمواقف مثيرة للتوتر ومشاعر شديدة ويمكن أن تحدث بسبب الإصابة بأمراض جسدية أو جراحات خطيرة ..
▪︎اعراضها بتكون في
نوبة قلبية تؤدي إلى :
- ألالام في الصدر و ضيق في التنفس
وممكن تسبب في توقف القلب عن النبض وده اللي تم تحديده علي الحالة الآولي فاليابان عام (1990)
- وده ظهر في حالات كتير وتسببت في الوفاة
القلب بيكون مكسور وده بيأثر على عضلة القلب وتبدأ تضعف من الحزن والكسرة و ممكن تحصل مضاعفات والإنسان يتوفي قبل أن ترجع عضلة القلب إلي وضعها الطبيعي ..
▪︎ الأسباب اللي بتؤدي للمتلازمه دي :
مفيش سبب لغاية الآن دقيق وواضح للإصابة بمتلازمة القلب المنكسر، ولكن زيادة هرمونات التوتر مثل ( الادرينالين) قد تلحق ضرراً بالقلب لبعض الأشخاص ..
- وممكن يسبق متلازمة القلب المُنكسر حدث بدني أو عاطفي وينتج عنه رد عاطفي قوي ويمكن حدوث هذة الحالة
- آمثلة:
-المرض المفاجئ مثل نوبات القلب او كوفيد 19.
- الخضوع لعملية جراحية كبيرة .
- التعرض لكسر مفاجئ في العظام .
- وفاة شخص عزيز او صورة اخري من صور الفقد .
- أو خوض جدال حاد والتعرض للضغط الشديد .
وده اللي قاله وأكده جراح القلب العالمي ( د/ مجدي يعقوب ) عن أسباب توقف عضلة القلب بشكل مفاجئ وقال في لقاء تلفزيوني حاجات كتير بتخلي القلب يوقف لكن اوحش حاجه هي الحزن لأن الحزن بيضعف القلب وبيخلي حتت منه تضعف ...
وآخيرا.
- لو عرفت إن حد قريب منك بيمر بضغط نفسي او حزين ياريت تسمعه وتقف جنبه وتهون عليه وتقدم له المساعدة احتويه وادعمه ، أوعي تستغرب من الموت المفاجئ أو الناس اللي فجأة تلاقيها راحت من الضغط والزعل اللي تعرضت ليه لأن للأسف الضغط اللي أحيانا بنقلل منه هو بيقدر ينهي حياة الإنسان في أقل من دقيقة ، ولو أنت شخصيًا بتتعامل مع أشخاص بتسبب ليك الأذي أبعد عنهم خسارتهم سهلة لكن خسارة حياتك وصحتك أصعب ومحدش هينفعك ومّهم لو الضغط ذاد عليك تروح لمختص هيقدر يساعدك تكون أحسن دمُتم سالمين .
إرسال تعليق