|| معكم المحررة الصحفية || 
دينا مصطفىٰ
> من مجلة مارڤيليا
> يسعدنا ويشرفنا أن نُجري هذا الحوار مع أحد ألمع نجوم الكتابة. وهي الكاتبة: « شهد محمد احمد "المتمردة"
__________________________________________________
1. كيف بدأت رحلتك في عالم الكتابة، وما هو الحدث الذي أشعل شغفك؟
بدأت كتابه من حوالي 8 سنين الكتابه بالنسبالي عالمي الخاص الذي لايعلم عنه أحد وبطلع كل اللي جوايا فيه الكتابه بالنسبالي مش مجرد مجال شغل دي هوايه وحلم عمري وكان أول كتاباتي ادمنت غرورها وعشقت كبريائو
2. متى شعرتِ بأنكِ قد وصلتِ إلى النقطة التي تستطيعين فيها نشر أول أعمالك؟ اول لما نزلت روايه ادمنت غرورها وعشقت كبريائو ف رومات مملكات المتمردة وعملت ضجه الحمدالله ولقيت فيها قبول بدأت أن أنا اكمل وانشر كتابات أخري ليا ونزلت معرض القاهره واسكندريه الدولي بكذا كتاب زي عالم من وحي الخيال ونبض اسطر وكانت بالنسبالي بدايه مبشره بصراحه
«
3. من هو الكاتب الذي ألهمكِ، وكيف أثر ذلك على أسلوبك الأدبي؟ الكاتب محمد خيري المشهور بالراوي بصراحه من الكتاب اللي أنا بحب أسلوبها جدا وقصصها كمان مختلفه ومميزه والكتابه شجن عبد العزيز اثرو طبعا علي اسلوبي الكتابي واكتسبت خبره منهم بصراحه وطورت من اسلوبي الكتابي
«
4. هل هناك قصة وراء كل كتاب أو مقالة تكتبينها، وكيف تستمدين إلهامك؟
«اه طبعا أنا معظم كتاباتي بيكون وراها قصص حقيقه مش قصه وحده واسرار لا يعلم عنها أحد الاا المتمردة ...بستمد الهامي من الهدوء والليل أنا من عشاق الهدوء والليل وتجاربي الشخصيه طبعا ليها عامل كبير ف كتاباتي
5. ما هي أكبر تحدياتك ككاتبة، وكيف تمكنتِ من تجاوزها؟
اكبر تحدياتي بالنسبالي أن في ناس كتير وقفت ضدي وهما كانو اقرب ناس ليا ومريت بظروف حرفيا خلتني مش عارفه اخد خطوه وحده ايجابيه بس طبعا بفضل ربنا عديت كل ده ورجعت من تاني وأقوا كمان
«
6. كيف تساهم كتاباتك في التأثير على المجتمع وتوجيه رسائل معينة؟
« اكيد طبعا الكتابه ليها تأثير كبير علي المجتمع وبجد بتمثل دور كبير والناس بتتاثر بيها ف لازم يكون في رسائل معينه زي توعيه مثلا بطريقه غير مباشره سواء توعيه دينيه أو اجتماعيه كمان ورسايل وقعيه لأن عشان تلمس قلب القارئ لازم تكون واقعي
7. هل لديكِ طقوس معينة تتبعينها أثناء الكتابة لتحقيق أقصى إبداع؟
لا لا هو بالنسبالي الهدوء هيطلع اقصي ابداع بالنسبالي الهدوء والليل والمشروب المفضل وشكرا علي كده اهم حاجه الشغف بجد وتحدياتك لنفسك انك هتقدر وهتعملها وفعلا وقتها هتكسر حاجز خوفك وهتعمل عظمه انت نفسك تتبهر بيها
8. أي المواضيع تجدينها الأكثر استمتاعًا في الكتابة، ولماذا؟الحزين والشجن عموما بصراحه وميمنعش برضو لو ندخل جزء من الغموض حقيقي بلاقي نفسي ف المجال ده من الكتابه
»
9. كيف تتعاملين مع النقد، وما هي نصيحتك للتعامل مع الآراء السلبية؟
النقد ده بيكون دافع كبير ليا اصلا اني اكمل اصلي معنه انهم بينتقدوني يعني أنا علي حق وماشيه صح ف الانتقادات اخر حاجه بفكر فيها بصراحه
«
10. ما هي مشاريعك الأدبية القادمة، وكيف ترين مستقبل مسيرتك الأدبية؟
باذن الله المعرض الجاي نازله بروايه ليا هتكون مفاجاءه للكل وباذن الله تنال اعجابكم وهنزل برضو بكتاب خواطر مجمع أنا وبعض الكتاب وكذا حاجه كمان لكن مش حابه اني اعلن عنهم دلوقتي هيكونو مفاجأه باذن الله لكن عن مستقبل مسيرتي الادبيه ف باذن الله أنا واثقه ف ربنا وأنه اكيد هيجبر بخاطري ويوفقني واحقق احلامي واسمي يكبر اكتر ف الوسط الادبي
11. ما هي النصيحة التي تقدمينها للكتاب الصاعدين الذين يطمحون إلى النجاح في هذا المجال؟ طور من نفسك ومن اسلوبك كتابتك متااثرش بالانتقادات وخليها مصدر دافع ليك مش مصدق تحطيم لاحلامك حقق حلمك مهما يكون التمن واكسر كل اللي راهن علي فشلك بنجاحك وصمودك
واخر حاجه حابه اشكر الجريده علي الحوار الممتع ده بجد
كانت معكم المحررة الصحفية:
#دينا مصطفى
#من مجلة مارڤيليا
إرسال تعليق