كتبت // رانيا مسعد
بعض الوجوه لا تنسى، فلولاها لما كان هناك حياة، وإليكم وجوه منيرة بعلم ومعرفة، وموهوبة بفن إلقاء المعلومة، أشخاص مبدعين، وبرغم قسوة مصاعب الحياة إلا أنهم ظلوا صامدين، محاربين أقوياء لا يعرفوا معنى الإستسلام، فدعونا نستكشف رحلة قائد بارع، ومحارب مقاتل ضد الظروف،
لذا تتشرف مجلة مارفيليا بعمل حوار صحفي مع ندي احمد الذي تبلغ من العمر 21 عاماً من محافظة الغربية.
ما هي موهبتك؟ بحب الاستكشاف ، يعني بحاول أخوض تجارب جديده بهدف اني افهم ذاتي و اعرف انا فعلا محتاجه ايه و شاطره في ايه
محدش داعم ليا يعتبر يعني بخوض تجاربي لوحدي تماما ، بالعكس لو شخص عرف اني بحاول اول لشئ معين أو أخوض تجربه معينه بيحاول يحبطني عمتا أو يمكن دا احساس جوايا
لكن لما بسأل حد أنه يشاركني شئ معين ممكن هو يعمله ، لكن انا لا مش بعمل الشئ دا ممكن اكون بروح للشخص الغلط و يمكن الغلط مني انا او فيا بس عمتا خير يعني
ما هو شخصك المفضل؟ شخصي المفضل هو أنا
ما هي هواياتك؟ هواياتي بحب اقعد لوحدي و اشرب قهوه ف مكان هادئ بدون أصوات مزعجة وبدون أي دوشه
من هو مثلك الأعلى؟ مثلي الاعلى هو اي شخص بيحاول ومش ببيوصل بشوف الأشخاص اللي بتحاول كتير رغم أنها ممكن تفشل ف كل محاولاتها بشوفهم أشخاص عندهم صبر و مكافحه كبيره جدا جواهم
يعني مش بيبهرني الشخص الناجح اطلاقا ، بنبهر ب الشخص اللي بيحاول يكون ناجح بس مش عارف يعملها و متاكده أنه هينجح في مرة من المرات دي
لأن كل محاوله بتخلق جواه شخص عنده خبرة اكتر من اللي قبله
ما هي خططك المستقبلية؟ خططي المستقبليه اني اتخرج في أمان و سلام فقط لا غير
ما هي الانتقادات التي واجهتك؟يعني الانتقادات كتيره وصعب أحصرها ف دماغي ولكن بتكون من النوع اللي هوا انتي فاكره نفسك مين ، او انتقاد لصفه معينه فيا، او طريقه ، او أسلوب و الله حتي في أشخاص مريضه و بيقولو كلام يعتبر تنمر لكن لأنهم مرضي نفسيين مش بيشوفو أن دا تنمر مع العلم التنمر مش للشكل بس ممكن لتصرف معين الشخص بيعمله او ضحكه معينه بصوت عالي أو نظره معينه.
وإلي هنا ينتهي حوارنا الصحفي مع المبدعة ندى احمد متمنين لها دوام النجاح والتوفيق.
إرسال تعليق