الكاتبة سمحه والي في حوار صحفي مع جريدة مارڤيليا الأدبية لدعم المواهب الشبابية المختلفة.
كما عودناكم عزيزي القارئ في "جريدة مارڤيليا" بشخصيات أبدعت في مجالها واليوم شخصيتنا ارتبط اسمها بالنجاح والإنجازات وسوف نقوم بالتعرف عليها بين هذه السطور...
اسمك/ سميحه والي
سنك/ 17 سنه
محافظتك/ الفيوم
موهبتك/ الكتابه
وهنا سوف نقوم بالبدأ في حوارنا.
نتمنى لكم قراءة مثمرة. ♡
س١/كيف كانت بدايتك في هذا المجال؟
ج/ بدايه جميله جدا في الصف الثاني الاعدادي مع كتابه الشعر والقائه
س2/ هل تقبل الإنتقاد أم لا؟
ج/ نعم أقبل
س3/ ماهي انجازاتك؟
ج/ كتاب مرايا
وأنا عداد كتاباتي وصل فوق 110 قصيده وخاطرة ،،منها
ضاقت فلما استحكمت حلقاتها فرجت وكنت أظنها لا تفرج
وفيوم كل قلوبنا ضلمت
وكل النور انطفى
وكانت فرحه إسرائيل
واصله للفضا
اتهزمنا ومش بايدينا
بس حقنا راجع لينا
الحرب بقت سر
حتى عن أهالينا
خططنا احنا المصريين
مفيش مسلم مسيحي كلنا مصريين
وقفنا ايد واحده في شمس رمضان و ربنا المعين
وانتصرنا انتصرنا
وربنا كان خير ناصر لينا
صلينا وسجدنا وحررنا سينا
مصر رجعت مصر رجعت وأخيرا اتهنينا
يومها مصر أخدت ولادها فحضنها
والفخر كان أكبر وأكبر وبقينا نقول الله اكبر
بعد النكسه أصبح نصر
لكل اهل مصر
أصبح كنز نفخر بيه فكل عصر
ولما راحو جنودنا يحاربوا
قالوا اما الشهادة واما النصر
في نكسه 67 كانوا ماشيين
بقانون اربط الحزام
بمعنى الاقتصار في الاكل والشرب
البلد المنورة ضلمت
عشنا 6 سنين بنخطط
عايزين نصر لأهل مصر
كان الريس أنور السادات
ومعاه أكفأ الظباط الاحرار
ولما جه وقت الحرب مع وجود السريه
كان معاد الحرب الساعه 0
حتى الجنود مكنوش عارفين
امتى ننتقم من الإسرائيليين
امتى ناخد حق المصريين
امتى هنرجع منصورين
فيوم 10 رمضان. والسادس من أكتوبر
في السنة 73
فقدنا شهداء مصريين
مسلمين ومسيحيين
ورفعوا رايه مصر بلدنا
وقالواا
رايحين رايحين شايلين فايدنا سلاح
راجعين راجعين رافعين رايات النصر
الحق رجع لأصحابه
جنود مصر الاحرار
خلصونا من الإحتلال
البسمة رجعت
والشوارع نورت
ولو راح شهدا كتير
فهما دلوقتي فالجنه عايشين
ودمهم ده هيفضل غالي
وروحهم الشريفة دي غاليه
ومصر غاليه
يا عم دي اتذكرت فالقرآن
وربك هوا اللي حاميها
ولو جه 100 احتلال
أبطال مصر الاحرار
ربك هينصرهم
شوفنا نور الشوارع وحواريها
شوفنا الفرحه ونعمه ربنا علينا
مصر عند ربي غاليه
والغالي بيفضل غالي
كلنا كنا ايد واحده
وجنودنا حققو النصر والوحدة
وبإذن الله مصر وشعبها هيفضلو ايد واحده
وشوفنا فخر أب وأم بابنهم الشهيد
ولما قالو تحيا مصر
احنا انتصرنا في حرب 73
احنا هزمنا إسرائيل...
الكاتبة / سميــــــحة والي
The secret superstar 🤍
س4/من أكبر داعم ليكي؟
ج/ أمي ومعلمتي وصديقاتي
س5/هل واجهتك صعوبات في المجال وكيف تخطيتها؟
ج/ وجدت صعوبة في الاستمرار حيث توجد تحديات كبيرة ومواقف عدة عليا فيها إثبات ذاتي
س6/ماهي خططك المستقبلة؟
ج/ سوف أبدأ بإذن الله تعالى بإنشاء فيديوهات على اليوتيوب
س7/ نصيحة تود تقديمها لكل المقدمين على الإتجاه نحو تنمية هذه الموهبة.
ج/ عدم الاستماع إلى الآراء السلبيه التي هدفها تحطيم موهبتنا وعدم تنميتها والسعي إلى تطوير الذات في الكتابه
وفي الختام نرجو أن نكون قد أسعدنا حضراتكم ونتمني لكم جزيل الشكر والإحترام.
المؤسسه/فريده نصر فرج
#جريدة_مارڤيليا
#مبادرة_لؤلؤه_لدعم_المواهب
إرسال تعليق